உறைந்த உணர்வுகளுக்கு

[jananisri srinivasan]

உறைந்த உணர்வுகளுக்கு
உயிர் கொடுத்துவிட்டு
மீண்டும் உயிரைப் பறிக்கும்
உன் வசீகரச் சிரிப்பைச் சற்று
மறைத்து வைத்துக் கொள்.....

வெட்கத்தை விலைபேசி
வினாடிக்குள் ஏலம்விட்டு
ஏகாந்தமாய் எனைப் பார்த்து
கண்சிமிட்டும் விழிகளின் வீச்சை
சற்று மட்டுப்படுத்திக் கொள்....

உருக்கி உருக்குலைத்து
உருவமில்லா அருவமாய்
எனை உள்ளிழுத்துக் கொள்ளும்
உன் மூச்சுக் காற்றைச் சற்று
திசைமாற்றிக் கொள்....

உறங்கவிடாமல் செய்து
ஊசலாடும் என் உள்ளமதனை
ஊருக்கெல்லாம் உரக்கக் கூறும்
உன் அலைபாயும் சிகையைச்
சற்று அடக்கிவைத்துக் கொள்....

சட்டென உள்ளம் நுழைந்து
ஆழமாய் வேரூன்றிப் போன
காதலை கையாளத்தெரியாமல்
தவித்து துவண்டுதான் போகிறேன்..

இதயத்தின் பாரம் இமயமாகியதால்
சுமக்க இயலவில்லை என்னால்
உன் அன்புக்கரங்களில் என்றும்
ஏந்தியே வைத்துக்கொள்...❤️❤️

 

[Magilam poo]

நல்ல ஆரம்பம்