அம்மா

[jananisri srinivasan]

என் உலகத்தின்
ஒரே அழகியவள்...

அவளைக்கடந்து
எந்த துன்பமும்
எனை அண்டியதில்லை...

எட்டடுக்கிற்கு எனை ஏற்றவில்லை
என்றாலும் அவளுக்கு எட்டிய வரை
இட்டு நிரப்பி மடிதாங்கியவள்...

அவள் அவஸ்தைப்பட்டாலும்
என் அத்யாவசியத்தை
தீர்த்து வைத்த
ஆதிலட்சுமி அவள்..

தந்தையவனின்
இல்லாதிருப்பை
எனை உணராமல்
செய்த தந்தையுமானவள்...

நரிகளும் ஓநாய்களும்
சூழ்ந்த இப்பூமியில்
தைரியத்தை கைப்பிடித்து
எனை வளர்த்த
வீரமிக்கவள்...

எந்நிலையிலும்
தன்னிலை மாறாத
தன்மானமிக்கவள்....

குன்றாத இளமையை
அக்னிக்கும்
குருகிய கால இன்பத்தை
காலனுக்கும் பலியிட்ட
விதியின் விசித்திரமவள்....

எனை நீ சுமந்த ஈரைந்து
பொழுதின் வலியறியேனம்மா
எனை வளர்த்த என் இருபது
வயதின் வலியறிவேன்...

என் அகிலமே
என் அழகியே

இனி ஒரு பிறவி எடுப்பேனெனில்
உன் மகளாக அல்ல
உன் தாயாக
உனை சுமக்கும் வரம் கொடு...

இப்பிறவியில்
நீ காணா இன்பம்
நீ காணா நிம்மதி
நீ காணா ஆனந்தம்
நீ காணா நிறைவு

அனைத்தையும் நான் உனக்கு தரவேண்டும்...♥♥
இனிய பிறந்த நாள் வாழ்த்துக்கள் அம்மா...♥♥